Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi për heqjen e barrikadave në veri u mos pasi policit të arrestuar, Dejan Pantiqi iu kishte ndryshuar masa e paraburgimit, me arrest shtëpiak dhe pas komunikatave, njëra nga Amerika, pastaj BE-ja dhe një tjetër nga KFOR-i, ku tregohej se Kosova ka dhënë garanci se s’ka listë të njerëzve të barrikadave për t’i arrestuar dhe që FSK-ja nuk mund të shkojë në veri të Kosovës, pa pëlqimin paraprak të komandantit të KFOR-it. Për zhvillimet më të fundit në Veri ka debatuar edhe parlamenti gjerman. Ministrja e jashtme e Gjermanisë Annalena Baerbok edhe shumica e deputetëve gjerman kanë fajësuar Serbinë për tensionet në veri dhe për kërcënimin me ushtri ndaj Kosovës. Deputeti Knut Abraham sot ka kërkuar nga Bashkimi Evropian që t’i bëjë më shumë presion Serbisë, pasi mendon se Serbia po i nënshtrohet presionit, meqë ky deputet e ka konsideruar të rrezikshëm dhe të papranueshëm kërcënimin që Vuçiq ia ka bërë Kosovës duke e vendosur ushtrinë në gjendje gatishmërie. Situata në Kosovë dhe në Serbi kërkon veprim të menjëhershëm. Çfarë po bën Përfaqësuesi i Lartë i BE-së, z. Borell? Vringëllima e shpatës serbe është e rrezikshme, e papërgjegjshme dhe e papranueshme. Është i nevojshëm një presion më real i BE-së ndaj Beogradit, ka shkruar, deputeti gjerman, Knut Abraham.
