Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rreth 20 biznese të përpunimit te drurit nga Ferizaj, këto dit po qëndrojnë ne një vizite zyrtare ne Zvicër. Kjo vizite e cila është mbështetur nga Komuna e Ferizajt dhe organizata zvicerane “Swiss Contact” përmes projektit “Fego” e që ka për qëllim që bizneset ferizajase të takohen me bizneset në Zvicër, në mënyrë që të shikohen edhe mundësitë e bashkëpunimit në të ardhmen. Në ditën e pare të kësaj vizite bizneset ferizajase të udhëhequr nga drejtori i Drejtorisë së Zhvillimit Ekonomik dhe Turizmit Balton Dërguti, fillimisht janë pritur nga kompania “MAHAGONI” ne Wintenrthur të Zvicrës. Pronari i kësaj kompanie Mete Gashi me prejardhje nga Peja informoi të pranishmit me veprimtarinë e kësaj kompanie ku prodhimet nga Kosova po eksportohen në tregun zviceran. Poashtu ky delegacion ka vizituar edhe kompaninë “MUNISHI” në Wil te Zvicrës ku janë pritur nga pronari shqiptar me prejardhje nga Vitia Franklin Munishi. Delegacioni na Ferizaj, është pritur edhe nga kompania “TB BAUMAMAGEMENT” në Basel te Zvicrës. Pronari i kësaj kompanie Tahir Maloku te pranishmeve u beri një pritje te veçante duke pas parasysh qe vet ai është nga Ferizaj. Drejtori i Zhvillimit Ekonomik Balton Dërguti me këtë rast ne emër të Kryetarit të Ferizajt Agim Aliu bizneset shqiptare në Zvicër i falënderoi për pritjen dhe i njoftoi për mundësitë që ofron komuna e Ferizajt për investitorët e jashtëm, ndërsa bizneset e pranishme shqyrtuan mundësitë e bashkëpunimit. Delegacioni nga Ferizaj ditëve te ardhshme do te takohet edhe me biznese te tjera me seli ne Zvicër.
