Përfaqësues të partive opozitare e quajnë të pakuptim krijimin e Komisionit për Demarkacionin

14/01/2016 Lajmet

Përfaqësues të partive opozitare
e quajnë të pakuptimit dhe joserioz nismën e kryetares, Atifete Jahjaga për
krijimin e një Komisioni ndërkombëtar për të vlerësuar procesin e demarkacionit
me Malin e Zi. Përfaqësues të partive opozitare kanë thënë se nuk mund të
krijohet një komision i ri pa u shkarkuar Komisioni i vjetër e bashkë me të
edhe Marrëveshja e 26 gushtit që ka dalë si produkt i komisionit aktual.
Partitë opozitare kanë kërkuar tërheqjen e nënshkrimit nga kjo Marrëveshje dhe
Marrëveshja tjetër për Asociacionin, si dhe shkarkimin e menjëhershëm të
Komisionit aktual për Demarkacionin që drejtohet nga Murat Meha. Përfaqësues të
këtyre subjekteve kanë shtuar më tutje se kur të bien Komisioni dhe Marrëveshja
duhet të bjerë edhe Qeveria që e ka humbur legjitimitetin dhe vendi duhet të
shkojë në zgjedhje të jashtëzakonshme.