Përfaqësuesit e minatorëve pensionistë falënderuan kryetarin Bahtiri për mbështetje

02/05/2017 Institucionet

Kryetar i Komunës së Mitrovicës, Agim Bahtiri, priti përfaqësuesit  e Sindikatës së Pavarur të Pensionistëve të Parakohshëm të “Trepçës”, në krye me Ramadan Ademin, me të cilët kishin ardhur për ta falënderuar për bashkëpunimin e ndërsjellë dhe për mbështetjen e vazhdueshme që ky ju ka dhënë sindikalistëve të “Trepçës” në vazhdimësi. “Ne sot kemi ardhur për të të falënderuar për mbështetjen që kemi pas nga ju që kur keni ardhur në krye të komunës. Të gjitha kërkesat që i kemi parashtruar tek ju, kanë hasur në mirëkuptim, aq sa ju kanë lejuar mundësitë e kufizuara buxhetore, duke na mundësuar kështu realizimin e projekteve që i kemi planifikuar. Për këtë arsye jemi këtu dhe në shenjë mirënjohje e respekti ju dhurojmë këtë fotografi të Mitrovicës së vjetër, të punuar në dru”, tha kryetari Ademi. Kryetari Bahtiri, pasi falënderoi përfaqësuesit sindikal të pensionistëve të “Trepçës”, për falënderimet, dhuratën dhe kujdesin e treguar, tha se ajo që ka bërë për punëtorët e “Trepçës”, nuk është asgjë në krahasim me punën dhe kontributin që ata kanë dhënë për zhvillimin e Mitrovicës dhe të Kosovës, por për çështjen kombëtare në përgjithësi. “Për ish punëtorët e Trepçës, por edhe ata që sot punojnë, nuk kursej asgjë. Por, për shkak të buxhetit të limituar dhe kërkesave të shumta të qytetarëve, ndihma nuk ka qenë aq sa do të duhej për minatorët e Trepçës. Sidoqoftë, edhe me këtë rast dua të ju garantoj se deri sa të jem në krye të Komunës, mbështetja ime për sindikatën tuaj dhe për minatorët e Trepçë, kurrë nuk do të mungoj”, tha ndër të tjera kryetari Bahtiri.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara