Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfundoi mbledhja e shtatë e rregullt e Kuvenit Komunal të Malishevës. Mbledhjen e udhëhoqi, kryesuesi i KK të Malishevës, Argjend Thaçi, koha e rezervuar për debat jashtë rendit të ditës, ngriti shumë tema nga asamblistët si: Çështjen e ndërprerjes së energjisë elektrike në komunën e Malishevës, rasti i ndodhur në ordinancën dentare private ku pësoi me fatalitet pacientja, prerja e rrugëve nga persona të pandërgjegjshëm dhe kompani e mos riparimi i tyre, tatimi në pronë i qytetarëve, uji i pijshëm etj. Në këto pika u përgjigj nënkryetari i Komunës së Malishevës, Vesel Krasniqi, ku për të gjitha temat, ka pas reagime institucionale me kohë dhe zyrtarisht nga përgjegjësit e sektorëve. Kuvendi pas një debati të gjerë miratoi rendin e ditës me plotësim- ndryshime dhe u shqyrtuan si dhe u miratuan këto pika. Raporti i DAE-së për fillim vitin shkollor 2023/2024. Raporti i Auditimit për pasqyrimin financiar vjetor për vitin 2022. Shqyrtimi dhe miratimi i Planit të Veprimit për zbatim të rekomandimeve të ZK-së për të gjeturat për vitin 2022. Raporti i DBPZHR si dhe Shqyrtimi i kërkesave të qytetarëve.
