Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Protestuesit kundër shtrenjtimit të energjisë elektrike kanë shprehur zemërimin e tyre duke vendosur pankartat para Ministrisë së Ekonomisë në Prishtinë. Pas nisjes së protestës nga sheshi “Skënderbeu,” qytetarët, të udhëhequr nga grupi “Asnjë cent më shumë,” vazhduan ecjen deri te Ministria, kundërshtuan rritjen e paralajmëruar të tarifave të energjisë elektrike prej 15% që do të hyjë në fuqi më 11 prill. Protestuesit ngritën zërin për të kërkuar nga institucionet e Kosovës që të anulohet ky vendim, duke paralajmëruar protesta edhe më të fuqishme nëse kërkesat e tyre nuk realizohen. Ata e quajnë këtë shtrenjtim si një ngarkesë të mëtejshme për ekonominë dhe jetesën e qytetarëve. Pankartat mbanin mesazhe si “Nuk paguajmë për dështimet tuaja” dhe “Stop vjedhjes me tarifa”, duke theksuar se qytetarët nuk janë të gatshëm të mbajnë barrën e dështimeve institucionale.
