Përfunduan garat e volejbollit në nivelin e shkollave në Malishevë

19/05/2016 Institucionet

Organizuar nga shoqata e Pedagogëve të Sportit në Malishevë, në bashkëpunim me Drejtorinë për Arsim dhe Edukim dhe Drejtorinë për Kulturë, Rini dhe Sport, janë mbajtur garat komunale në nivelin e shkollave fillore dhe të mesme të ulëta, për femra dhe meshkuj, ku vendet e para i kanë marrë shkollat “Vesel Pagarusha” nga Pagarusha dhe “Ismail Qemali” nga Bellanica.

Në ceremoninë e ndarjes së shpërblimeve kanë marrë pjesë edhe Kryetari i Komunës së Malishevës, Ragip Begaj dhe drejtoresha e Drejtorisë për Kulturë, Rini dhe Sport, Blerta Krasniqi, të cilët edhe i kanë ndarë shpërblimet për më të mirët në këto gara, si dhe i kanë uruar më të mirët për suksesin e treguar.

Vendin e parë në kategorinë e femrave, e ka zënë sh.m.u. “Vesel Pagarusha” nga Pagarusha, të dytin sh.m.u. “17 Shkurti” nga Banja dhe vendin e tretë sh.m.u. “Ismail Qemali” nga Bellanica.

Në kategorinë e meshkujve, vendin e parë e ka zënë sh.m.u. “Ismail Qemali” nga Bellanica, të dytin sh.m.u “Xhevë Krasniqi” nga Drenoci dhe vendin e tretë sh.m.u.”Ibrahim Mazreku” nga Malisheva.

Sipas Adrian Telakut nga shoqata e Pedagogëve të Sportit, në këto gara kanë marrë pjesë 22 shkolla në kategorinë e femrave dhe po aq në kategorinë e meshkujve, kurse volejbollistja më e mirë u shpall Fatlinda Krasniqi nga sh.m.u “Vesel Pagarusha”  dhe Gentrit Hoxha nga sh.m.u. “Ismail Qemali”.

Këto janë gara tradicionale që organizohen nga kjo shoqatë në bashkëpunim me drejtoritë përkatëse komunale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara