Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me një numër aktivitetesh do të përkujtohen dëshmoret e komunës së Prishtinës me datën 18 prill. Duke filluar nga ora 10:00 behën homazhe të varrezat e Dëshmorëve në Velani; në ora 10:30 do të behën homazhe pranë shtatores së heroit të kombit Zahir Pajazitit, dhe vetëm 10 minuta më pas në sheshin e Prishtinës që e mban emrin e këtij heroi do të organizohet aktiviteti i dhurimit të gjakut. Rreth orës 11:00 do të bëhen nderime edhe pranë shtatores së heroit kombëtar Gjergj Kastrioti – Skënderbeut; në ora 11:30 organizohen homazhe pranë varreve të Dëshmoreve dhe Martirëve në fshatrat: Makoc, Mramor, Prapashticë, Dabishec, Canaj, Barilevë, Rimanishtë, Koliq dhe Stallovë. Ndërsa duke filluar nga ora 13:00 organizohet tubimi qendror tradicional Epopeja e UÇK-së në fshatin Marec. Homazhet do të vazhdojnë edhe në ora 15:30 në memorialin e Dëshmoreve në fshatin Sharban. Kurse duke filluar nga ora 18:00 organizohet Akademia përkujtimore “Dita e Dëshmorëve të Komunës së Prishtinës” në Sallën e Kuqe të Pallatit të Rinisë.
