Përkujtohen dëshmorët Hajriz Muhadini dhe Elhami Hasani në 17 vjetorin e rënies

10/05/2016 Institucionet

Me homazhe tek varrezat e dëshmorëve në Ferizaj janë përkujtuar dëshmorët Hajriz Muhadini dhe Elhami Hasani në 17 vjetorin e rënies. Familjarë të tyre me këtë rast thanë se ndjehen krenar me veprën e tyre, por nuk fshehin edhe pakënaqësitë me zhvillimet e pasluftës kur veprat e tyre po harrohen në disa raste.

Ndërkaq për të nderuar veprën dhe sakrificën heroike të dëshmorit Elhami Hasani bashkëluftëtarë të tij dhe strukturat komunale në Ferizaj zbuluan një pllakë përkujtimore në vendin e quajtur kodra e Zymberit në fshatin Jezerc.

Bashkëluftëtarët e tij me këtë rast e përshkruan këtë dëshmor si një trim të pashembullt dhe luftëtarë me epitete të larta.

Të pranishmit në këtë manifestim i ka përshëndetur edhe kryesuesi i Kuvendit të Komunës së Ferizajt Faruk Guri. Ai ka vlerësuar tejet lartë sakrificën e të gjithë të rënëve për lirinë e Kosovës.

Pllaka përkujtimore e ngritur në fshatin Jezerc u bë e ditur se u ngrit nga iniciativa e bashkëluftëtarëve të dëshmorit Elhami Hasani i cili u tha se është lënë anash gjatë këtyre viteve të pasluftës.

Kontrolloni gjithashtu

Me rastin e vdekjes tragjike të nxënësit Bleart Bekim Krasniqi, Drejtoresha e Arsimit në Malishevë, Arbëreshë Krasniqi ka ngushëlluar familjen, personelin arsimor dhe nxënësit e SHFMU “Hilmi Hoti”

Me rastin e vdekjes së nxënësit Bleart Bekim Krasniqi – 21.11.2011- 18.09.2024 – Nxënës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara