Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot me një varg aktivitetesh u shënua sot 18-vjetori i rënies së dëshmorëve të Krushës së Madhe: Muhamet Malsori, Skënder Hameli, Sinan Hoti, Isak Hoti, Sedat Hoti dhe Ismet Hoti, të cilët u ranë me 4 dhjetor të vitit 1998. Në tubimin përkujtimor, të organizuar nga banorët e fshatit Krushë e Madhe, të pranishëm ishin kryetari i Komunës së Rahovecit, Idriz Vehapi me bashkëpunëtorë, Ramadan Hoti nënkryetar i Komunës së Gjakovës, familjarë dhe bashkëluftëtarë të dëshmorëve. Selami Hoti, kryetar i këshillit të fshatit Krushë e Madhe, ka thënë dëshmorët të cilët sot po i kujtojnë e dinin më mirë se liri pa gjak nuk ka, të frymëzuar nga filozofia e Ukshin Hotit, këta dëshmor dhe shumë krushjan të tjerë, tani më ishin rreshtuar në brigadën e Zonës Operative të Pashtrikut. Muhamet Malësori ishte përkrahës dhe ndihmës i pakursyer i Ukshin Hotit, ideve dhe rrugës së tij.
