Përkujtohet 28 vjetori i të rënëve më 30 janar të vitit 1990, në Malishevë

30/01/2018 Lajmet

Në Malishevë dhe në Bubavec, përmes homazheve dhe nderimeve në vendin e rënies dhe në varreza, janë përkujtuar të rënët e 30 janarit të vitit 1990, apo siç njihet edhe si “Masakra e Malishevës”, ku humbën jetën Hisni Mazreku dhe Ali Kryeziu, ndërsa ishin plagosur edhe dhjetëra të tjerë. Kjo ngjarje, njihet edhe si reagimi i parë zyrtar institucional në raport me regjimin e atëhershëm serbo sllav. Në shënim të kësaj dite, homazhe dhe nderime, krahas familjarëve, kanë bërë edhe i pari i Komunës së Malishevës, Ragip Begaj, i shoqëruar nga zyrtarët tjerë të qeverisë komunale, zëvendësministri i kulturës, Rexhep Mazreku, kryesuesi i KK të Malishevës, Rrahim Morina, anëtarët e Kuvendit të Komunës, përfaqësues të Bashkësisë Islame, ish Kryetari i Komunës së Malishevës, në vitin 1990, Daut Krasniqi, pastaj ish zyrtarë të tjerë të komunal, si dhe qytetarë të shumtë. Me 30 janar të vitit 1990, forcat policore, kanë hapur zjarr mbi qytetarët e pafajshëm, duke vrarë tre persona, Ali Kryeziun dhe Hisni Mazrekun, si dhe një person tjetër, i cili kurrë nuk u identifikua, ose nuk u bë i njohur për publikun, ndërsa ishin plagosur shumë qytetarë të tjerë, në Malishevë dhe në fshatrat përreth. Ndaj kësaj ngjarje, kishin reaguar organet e atëhershme komunale  të Malishevës, e që shënon edhe rastin e parë të reagimit institucional ndaj vrasjeve që bëheshin në vend, në ato vite. “Kjo ishte një ngjarje e rëndë, e këso vrasje bëheshin thuajse çdo ditë në Kosovë, por organet komunale të Malishevës, ishin të parat, që pa marrë parasysh pasojat kolektive apo individuale, kishin reaguar për këtë vrasje të bërë në qendër të Malishevës, në pikë të ditës dhe kjo shënon rastin e parë të reagimit të institucionit, ku ish drejtuesit e asaj kohe, reaguan ashpër dhe në mënyrë institucionale, ndaj vrasjeve”, tha në fjalën e tij, i pari i Komunës së Malishevës, Ragip Begaj, gjatë homazheve në vendin e rënies, në qendër të qytetit të Malishevës.

Kontrolloni gjithashtu

Zëdhënësit e Komisionit Evropian nuk komentojnë fjalimin e kryeministrit izraelit, Benjamin Netanyahu, në Kongresin Amerikan

Kryeministri izraelit, Benjamin Netanyahu, po akuzohet për krime lufte dhe krime kundër njerëzimit

Urdhër-arresti i Gjykatës Ndërkombëtare Penale ndaj Kryeministrit izraelit, Benjamin Netanyahu, që shënon herën e parë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara