Përkujtohet dëshmori i kombit Kenan Halimi

13/06/2022 Institucionet

Me rastin e 23 vjetorit të rënies së dëshmorit të kombit, Kenan Halimi, sot përfaqësuesit e komunës së Vitisë, në krye me zëvendëskryetarin Hasan Aliu, përfaqësuesin e OVL-UÇK-së në Viti, Abdyl Bajrami, policisë, deputetë të Republikës së Kosovës, bashkëvendës e familjarë të dëshmorit dhe të tjerë kanë bërë homazhe të varri i këtij dëshmori në fshatin Gjylekar të Vitisë. Me pas është shënuar edhe dita e shkollës që mbanë emrin e këtij dëshmori në vendin e tij të lindjes në Gjylekar të Vitisë. Zëvendëskryetari i Komunës së Vitisë, Hasan Aliu në shënimin e ditës së shkollës ka mbajtur edhe një fjalë rasti. “Shkollat që mbajnë emrin e një dëshmori duhet të kenë motiv shtesë për mësimdhënie dhe mësimnxënie, sepse vetëm përmes rezultateve të mira ata lartësojnë edhe me shumë emrin e dëshmorëve”, u shpreh Aliu. Ndërkaq Avdyl Bajrami, nga OVL- UÇK në Viti, tha se kjo ditë shënon kalimin në përjetësi të dëshmorit Kenan Halimi, i cili sipas tij i ka lënë të gjitha të mirat që ka pasur në mërgim për të ju bashkuar çlirimtarëve të vendit. Një fjalë rasti e ka mbajtur edhe drejtori i shkollës “Kenan Halimi”, Eshref Sadiku kurse të pranishmit i ka përshëndetur edhe një anëtarë e familjes Halimi. Më pas nxënësit e  kësaj shkolle kanë mbajtur një program të pasur kulturor dhe artistik.

Kontrolloni gjithashtu

Finalizohet draft-ligji për Lojërat Mesdhetare “Prishtina 2030”

Kryetari i Komunës së Prishtinës, z. Përparim Rama ka njoftuar përmes faqes së tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara