Përmes veprave artistike që simbolizojnë paqen për një dialog më të mirë kulturor

18/09/2018 Institucionet

Zëvendësministrja Burbuqe Bakija-Deva ka zhvilluar një takim me Richard Mei, Zëvendesambasadorin e SHBA-ve në Kosovë dhe Ellen Frank, udhëheqësen artistike të iniciativës ndërkombëtare “Cities of Peace” apo “Qytetet e paqes”. “Cities of Peace” janë organizatë me seli në SHBA, dhe synon që përmes krijimit të veprave të artit të nxit dialogun ndërkulturor dhe ndërtimin e paqes në vendet ku kanë ndodhur luftra. Pas përfundimit me sukses të fazës së parë të realizimit të veprës së artit – Qyteti i Prishtinës, që do të jetë simboli i nderit për Kosovën, ky projekt do të fillojë me fazën e dytë ku do te jetë përsëri në bashkëpunim me Muzeun e Kosovës dhe programin Fullbright Programe në kuadër të State Department-Bureau of Educational and Cultural (ECA SHBA). Vepra origjinale që nderon Kosovën, do të bashkohet me koleksionin e veprave të qyteteve tjera, që janë përzgjedhur për të qenë “Qytete të Paqes”, dhe do të udhëtojë nëpër botë, duke filluar nga Selia e Kombeve të Bashkuara në New York. Veprat origjinale do të jenë të paraqitura në Zyrën e Presidentit të Republikës, në Ministrin e Punëve te Jashtme, në Ministrin e Kulturës, Rinise dhe Sportit, Ministrin e Arsimit Shkencës dhe Teknologjisë, në Universitetin e Prishtinës si dhe në Muzeun e Kosovës. Në emër të MKRS-së zëvendësministrja shprehu gatishmërinë që të përkrahin përsëri një nismë të tillë që do të realizohet në bashkëpunim me Muzeun e Kosovës dhe që do të ketë ndikim të rëndësishëm, në promovimin e Republikës së Kosovës përmes formave të avancuara të diplomacisë kulturore, ku pa dyshim, një nga storiet më të shënuara të suksesit sot në botë, në këtë lloj të promovimit, janë projektet e realizuara nga Cities of Peace. “Për më shumë ne jemi shumë të kënaqur të mirëpresim dhe të përkrahim projekte të cilat do të ndihmojë të promovohet trashëgimia kulturore e Kosovës, me qytetet e tjera botërore”, është shprehur mes tjerash Bakija-Deva.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara