Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Presidentit të ShBA, Donald Trump, për të vendosur tarifën prej 10% ndaj Kosovës ka shkaktuar një përplasje të ashpër mes Presidentes së Kosovës, Vjosa Osmani, dhe Qeverisë në Detyrë. Presidentja Osmani kërkoi menjëherë nga Qeveria që të pezullojë tarifën ndaj produkteve amerikane, duke e konsideruar atë si një hap të rëndësishëm për thellimin e marrëdhënieve me aleatin më të ngushtë të Kosovës dhe për dërgimin e një mesazhi të qartë për angazhimin e Kosovës në një marrëdhënie më të fortë me ShBA-në. Ministri në Detyrë i Financave, Hekuran Murati e përgënjeshtroi Presidenten dhe theksoi se Qeveria ishte duke shqyrtuar çështjen dhe se do të informonte publikun në mënyrë të duhur kurdo që të merrej një vendim. Përgjigja e këshilltarit të Presidentes për media, Bekim Kupina, ishte e ashpër. Ai e kritikoi Muratin për mospërputhjen e tij me konceptet kushtetuese dhe strategjike të politikës së jashtme, duke e quajtur Ministrin si “një njeri që ende nuk ka kuptuar se udhëheqja e shtetit është punë 24/7” dhe se “përkufizimet e politikës së jashtme i përcakton institucioni i Presidencës”.
