Përurohet fusha e sportit në Llapçevë

21/04/2017 Institucionet

Me rastin e shënimit të ditës së shkollës “Petro Nini Luarasi” në Llapçevë të komunës së Malishevës, është bërë edhe hapja e fushës së sportit për këtë shkollë. Fusha e sportit në këtë shkollë, është ndërtuar në kuadër të rregullimit të infrastrukturës në shkollat e Komunës së Malishevës. Në shënimin e ditës së shkollës, mori pjesë edhe drejtori i arsimit në Malishevë, Avdi Morina, i cili pasi i uroi nxënësit dhe mësimdhënësit, me rastin e ditës së shkollës, tha se “krahas fushës së sportit, për këtë shkollë është rregulluar edhe kabineti i informatikës dhe shumë shpejt do të pajiset edhe me kompjuter”. “Përkushtimi i Komunës së Malishevës është rritja e cilësisë në arsim dhe krijimi i kushteve sa më të mira për mësimdhënie dhe mësimnxënie dhe në kuadër të kësaj, janë bërë këto investime”, tha Morina. Me rastin e shënimit të ditës së shkollës, në 158 vjetorin e lindjes së Petro Nini Luarasit, foli drejtori i shkollës, Aziz Avdiaj, ndërsa lidhur me këtë shkollë, drejtori Avdiaj, tha se janë të përkushtuar në rritjen e cilësisë në arsim. Drejtori gjithashtu falënderoi edhe Komunën e Malishevës, për investimet në këtë shkollë, e në veçanti për fushën e sportit, e cila prej tani do të jetë në funksion.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara