Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këto ditë, ferizajasit por edhe vizitorët e Ferizajt, kanë mundur të shohin në hyrje-daljet e qytetit dhe në disa pika të qytetit, tabela masive të vendosura skaj rrugëve, në të cilat është paraqitur Harta Turistike e Ferizajt. Ky projekt i zhvilluar nga Drejtoria e Zhvillimit Ekonomik dhe Turizmit, u përurua nga Nënkryetari i Komunës së Ferizajt, Lulzim Aliu dhe drejtori i Zhvillimit Ekonomik dhe Turizmit, Balton Dërguti. Këta të fundit, njoftuan për rëndësinë e këtij projekti, për të mundësuar promovimin e potencialit turistik të Ferizajt, si dhe zhvillimin e gjithëmbarshëm të kësaj sfere, duke nisur me këtë hap. Drejtori Dërguti njoftoi se Harta Turistike është e pajisur edhe me QR kodin, i cili mund të skanohet, e që së shpejti do të lansohet edhe web faqja, në gjuhën shqipe dhe angleze, ku qasja në pika turistike dhe informacionet për to, do të jenë më pranë qytetarëve.
