Përurohet objekti i shkollës në Llazicë

02/11/2018 Institucionet

Në fshatin Llazicë të komunës së Malishevës, është bërë hapja e objektit të ri të Shkollës Fillore dhe të Mesme të Ulët ,,Gjergj Fishta”, të cilën e ka ndërtuar Komuna e Malishevës. Në ceremoninë e hapjes së objektit të ri të kësaj shkolle, morën pjesë edhe Zëvendëskryeministri i Kosovës, Fatmir Limaj, Ministri i MASHTK, Shyqiri Bytyqi, Kryetari i Komunës së Malishevës, Ragip Begaj, zëvendësministri i MKRS-së, Rexhep Mazreku, zëvendësministri i MPMS-së, Çerkin Dukolli, zëvendësministri i MBPZHR-së, Vesel Krasniqi, drejtori i Drejtorisë për Arsim dhe Edukim, Blerim Thaçi dhe zyrtarët të tjerë. Në fjalimin e rastit, zëvendëskryeministri i Kosovës, Fatmir Limaj, tha se “investimi në arsim, është investimi më i mirë dhe kërkoi rritje të cilësisë dhe punë e përkushtim në arsimimin e të rinjve”, Po ashtu zëvendëskryeministri Limaj, kërkoi nga mësimdhënësit, që të mos heqin dorë nga atdhe dashuria dhe këtë dashuri për vendin, të ju mësojnë edhe nxënësve. Kryetari i Komunës së Malishevës, Ragip Begaj, gjithashtu kërkoi nga të gjithë që të punojnë më shumë për vendin, përfshi edhe shkollat, pasi ndërtimi i objekteve shkollore, po bëhet me qëllim të krijimit të kushteve dhe hapësirës së mjaftueshme për mësimdhënie dhe mësimnxënie, dhe për këtë janë dhe do të vazhdojnë të mbeten të përkushtuar, ku arsimi dhe investimet në arsimin, do të jetë prioritet mbi prioritete. Kryetari Begaj, i ka uruar të gjithë nxënësit dhe mësimdhënësit, për objektin e ri të shkollës. Ndërsa Ministri i Ministrisë së Arsimit, Shyqiri Bytyqi, e ka përgëzuar Komunën e Malishevës, për përkushtimin e saj, për investime të mëdha që ka bërë në objektet shkollore në pesë vitet e fundit, duke ndërtuar 15 shkolla. Pasi i ka uruar të gjithë për objektin e  ri të shkollës, ministri Bytyqi, foli edhe për angazhimin e ministrisë, në rritjen e cilësisë dhe krijimin e kushteve më të mira për nxënësit dhe studentët, e në mesin e këtyre kushteve është ndërtimi i objekteve të reja, standarde dhe me hapësirë të mjaftueshme për mësimdhënie dhe mësimnxënie. Drejtori i SHFMU “Gjergj Kastrioti”, Fadil Javori, i ka falënderuar të gjithë për këtë investim të madh në shkollën e tyre, pasi nga tani kjo vatër shkollore, ka hapësirën e nevojshme, por edhe kushtet më të mira për mësim. Ai po ashtu ka folur edhe për historikun e shkollës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara