Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me homazhe tek Varrezat e Dëshmorëve të Kombit në Ferizaj, gjatë ditës së premte kanë filluar aktivitete për përurimin e pikës 1 të parkut Memorial të Ushtrisë Çlirimtare të Kosovës.Në këtë përurim kanë marrë pjesë nënkryetari i Komunës së Ferizajt, Arton Gavazi, kryesuesja e Kuvendit të Komunës, Kristina Gashi-Bytyqi, deputeti i Parlamentit të Republikës së Kosovës Elmi Reçica, drejtues të Organizatës së Veteranëve të Luftës, si dhe qytetarë të shumtë.
Me një fjalë rasti të pranishmëve i është drejtuar Imri Ilazi, zëvendëskomandant i Zonës Operative të Nerodimes. Ai më këtë rast është shprehur se po bëhet inaugurimi i pikës 1, pika më strategjike dhe fillimi i betejës me okupatorin. “Nazmi Uksmajli mbetët simbol i rezistencës i cili ra heroikisht me këtë datë. Me mburrje e krenari përkujtojmë te gjithë te rënët për liri, gjaku i te cilëve solli lirin e vendit. Kjo ka qenë njëra ndër pikat më të rrezikshme për shkak të territorit që është dashur të mbulohet dhe të mbrohet nga armiku nga Neredimja, ku forcat e armikut kanë qenë këtu shumë afër”, ka thënë Ilazi, përderisa ka falënderuar edhe Kryetarin e Komunës së Ferizajt, Agim Aliu për punën dhe përkushtimin në realizimin e këtij projekti.
U bë e ditur se në vazhdimësi të këtij projekti, do të inaugurohen edhe pikat e tjera të Parkut Memorial të Ushtrisë Çlirimtare të Kosovës në Jezerc.
