Përurohet rruga që lidh Rezallen e Re me Rezallen e Vjetër

18/06/2020 Institucionet

Për nderë të ditës së Çlirimit të Skenderajt, në shenjë mirënjohje për kontributin e madh të dëshmorëve të kombit, kryetari i komunës së Skenderajt Bekim Jashari me bashkëpunëtor, ka bërë përurimin e rrugës që lidh Rezallen e Re me Rezallen e Vjetër, rrugë e cila mbanë emrin e heroit të kombit, Malush Ahmeti. Gjithashtu në këtë ditë, është bërë edhe zbulimi i pllakës përkujtimore të bashkëluftëtarit të Komandantit Legjendar Adem Jashari, Malush Ahmeti, i cili ishte njëri ndër ushtarët e parë që iu bashkua radhëve të UÇK-së. Në këtë përurim kryetari Jashari, theksoi faktin se Heroi Malush Ahmeti, ishte dhe do të mbetet shembull i njeriut të përkushtuar ndaj atdheut, ushtarit sypatrembur dhe një komandanti të shkëlqyer. Po ashtu rruga, ideali dhe amaneti i tij duhet të jetësohen nga ne, duke punuar për shtetin, rininë dhe mirëqenien e qytetarëve tonë, duke vënë çdo herë në rend të parë interesin shtetëror para çdo interesi tjetër. Lufta heroike dhe sakrifica e tij sublime janë gurë themel i Lirisë dhe shtetit tonë. Ai Lirisë së Kosovës ia fali edhe djalin 7 vjeçar i cili u vra nga forcat serbe në vitin 1998. 21 vite pas, jetojmë e punojmë duke nderuar e ngritur deri në piedestal jetën dhe veprën heroike të dëshmorëve të Lirisë. Për familjen Ahmeti ashtu edhe siç e kemi planifikuar që të nderojmë familjet e dëshmoreve, ndava mirënjohje për kontributin e tij të veçantë dhe sakrificën sublime, gjatë luftës së UÇK-së, për lirinë e Kosovës. Pata nderin dhe kënaqësinë qe nga pjesëtaret e familjes Ahmeti, pranova një pikturë, të heroit, e cila do të këtë një vend të veçantë në ambientin ku unë punoj. Në fund të ceremonisë vizituam edhe vendin ku ra heroikisht komandanti Malush Ahmeti. Lavdi heroit Malush Ahmeti, Lavdi gjithë atyre që luftuan e sakrifikuan për Liri e Pavarësi, ka thënë me këtë rast kryetari Jashari.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara