Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përurohet vepra ”Krenari mbi Dhimbje për Dëshmorët”- Luljeta Telaku. Kryetari i Komunës së Malishevës, Ekrem Kastrati, në fjalën e tij tha ”Kjo vepër po sjell në kujtesën tonë, krenari, dhimbje dhe historinë më të lavdishme, për Malishevën, Kosovën dhe popullin shqiptar ndër breza, prandaj, nëna të dëshmorëve, bashkëshorte, motra dhe vajza, përherë jemi bashkë me ju, se ju jeni dëshmia më e fortë e lirisë kombëtare sepse liria është vet gjaku i bijve dhe bijave tuaja” Lavdi Dëshmorëve të kombit! Gëzuar !Ditën e Çlirimit dhe të Dëshmorëve të Malishevës! Në këtë përurim, folën edhe drejtori për kulturë, Fitim Shala, kryetari i shoqatave të dala nga lufta e UÇK-së, Metush Kryeziu, si dhe redaktori i veprës, Hazir Luta, ku citoi nga libri ”Libri ka 16 rrëfime nga nënat e dëshmorëve, bashkëshortët dhe motrat, numër ky që simbolizon 16 qershorin, Ditën e Çlirimit dhe të dëshmorëve të komunës Malishevës”. Në fund autorja falënderoi të pranishmit dhe ekipin që mundësoi finalizimin e librit, autorja u zotua që ky projekt do të vazhdoi edhe me rrëfime të familjarëve të dëshmorëve.
