leoni

Përurohet vepra ‘Malisheva Poetike’, vëllimi i dytë për fëmijë 

03/06/2024 Institucionet

Në kuadër të shënimit të  1 Qershorit – Ditës Ndërkombëtare të Fëmijëve, Shoqata për Kulturë dhe Letërsi ‘Tafil Kelmendi’ dhe Koordinatorja për të Drejta e Njeriut dhe Fëmijëve, Vera Bytyçi, organizuan përurimin e veprës ‘Malisheva Poetike’, për fëmijë. Në këtë manifestim morën pjesë shkrimtarët për fëmijë nga : Gjakova, Podujeva, Drenasi, Klina, Kamenica, Skenderaji, Suhareka, Kastrioti, Malisheva,  trojet etnike dhe diaspora, si dhe shkollat :’Naim Frashëri’ Banjë, ‘Ibrahim Mazreku’, Malishevë, ‘Afrim Buçaj’, Lladroc, ‘ Dëshmorët e Kombit’, Ngucat’,  ‘Ramadan Morina’, Damanek  dhe  ‘Fehmi Agani’ Turjakë. Të pranishmëve me nga një fjalë rasti, ju drejtuan, Fadil Javori, Kryetar i SHKL’Tafil Kelmendi’, Vera Bytyçi’, Sabit Berisha, shef i DAE-së dhe Drejtori për Kulturë, Rini dhe Sport, Fitim Shala. Ata  ndër të tjera theksuan: ‘ Fëmijët janë e tashmja dhe e ardhmja, investimi në fëmijë është investim i sigurt dhe investim që përmbush obligimet familjare, shkollore dhe shtetërore e kombëtare, prandaj gjithë së bashku dhe së cili nga përgjegjësia sektoriale duhet t’i kryen  përgjegjësitë e veta ligjore e shtetërore për fëmijët’. Kurse më pas referoi , Hamdi Mazreku për veprën dhe theksoi: ‘Kritikë të letërsisë për fëmijë kanë thënë se të krijosh për fëmijë është letërsi e vështirë nga ajo për  të rritur, sepse këta autorë duhet të janë të vëmendshëm që mos ta lëndojnë piskën e fëmijëve’. Më pas lexuan fëmijët krijimet e tyre dhe poetët për fëmijë dhe në fund secilës shkollë iu ndanë nga tre ekzemplarë të veprës, ‘Malisheva Poetike’.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara