Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i Bashkimit Europian për dialogun Kosovë-Serbi, Peter Sorensen, zhvilloi një vizitë zyrtare në Kosovë, ku u takua me kryeministrin Albin Kurti për të diskutuar mënyrat për të vazhduar dhe avancuar procesin e dialogut. Sorensen theksoi se ky është një “fillim i mirë” dhe se qëllimi kryesor është që procesi të ecë përpara. Ai shtoi se do të udhëtojë edhe në Beograd dhe do të zhvillojë biseda me liderët atje për të vlerësuar progresin. Në lidhje me mbylljen e institucioneve paralele serbe në Kosovë, Sorensen tha se është e rëndësishme të sigurohet që qytetarët të marrin shërbimet në mënyrën më të mirë të mundshme. Ai gjithashtu theksoi se palët janë ato që do të përcaktojnë nëse nevojiten kompromise, ndërsa dialogu do të vazhdojë sipas një procesi të ndërmjetësuar.
