Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Komisionit Evropian, Peter Stano, ka thënë se nuk ka asnjë njoftim për ndonjë takim të ardhshëm në kuadër të dialogut të ndërmjetësuar nga BE-ja ndërmjet Kosovës dhe Serbisë dhe se nuk dëshiron të komentojë mbi spekulimet se një dialog i nivelit të lartë mund të zhvillohet së shpejti. Së pari, ne kurrë nuk komentojmë ndonjë spekulim dhe së dyti, nuk ka asnjë njoftim që mund të bëjë për ndonjë takim të ardhshëm në kuadër të dialogut, me ndërmjetësimin e BE-së”, ka thënë Stano në një konferencë për medie në Bruksel, i pyetur për të komentuar spekulimet se mund të ishte arritur një pajtim për takim të nivelit të lartë politik, në kuadër të dialogut. I dërguari i posaçëm i Bashkimit Evropian për dialogun midis Kosovës dhe Serbisë, Miroslav Lajçak, ka thënë më 6 tetor se do të punojë në përgatitjen e takimit të ardhshëm mes kryenegociatorëve të Kosovës dhe Serbisë në Bruksel, si pjesë e dialogut me ndërmjetësimin e Bashkimit Evropian dhe theksoi se do të dëshironte që takimi të ndodhte në javët në vijim.
