Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët e Bashkimit Evropian, të informuar me procesin e dialogut, kanë thënë të hënën se në këtë moment nuk ka gatishmëri të Prishtinës e as të Beogradit që të angazhohen në mënyrë konstruktive në dialog. Zëdhënësi i Bashkimit Evropian, Peter Stano, ka paralajmëruar se parakusht për aranzhimin e takimit të radhës duhet të jetë gatishmëria e palëve që të merren vesh rreth rezultateve konkrete, në të mirë të qytetarëve të tyre. E kemi bërë shumë të qartë, pas dy takimeve këtë vit, që parakusht për takimin e radhës duhet të jetë gatishmëria e të dyja palëve që të dakordohen rreth rezultateve konkrete për të mirën e qytetarëve të tyre. Kontaktet e fundit të përfaqësuesit të lartë të BE-së për politikë të jashtme dhe siguri, Josep Borrell dhe diplomacia e përfaqësuesit të BE-së për dialog, Mirosllav Lajçak treguan që aktualisht nuk ka gatishmëri”, ka thënë Stano.
