Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Bashkimit Evropian për Politikë të Jashtme dhe Siguri, Peter Stano, nuk dha detaje rreth tërheqjes së letrës nga ish-kryeministrja serbe Ana Brnabiq, që kundërshtonte zbatimin e Marrëveshjes së Ohrit. Gjatë një deklarate, Stano theksoi se Bashkimi Evropian qëndron në përkushtimin për zbatimin e marrëveshjes dhe se të dyja palët, Serbia dhe Kosova, kanë obligim të qartë për ta respektuar atë. Marrëveshja e Ohrit është ligjërisht e detyrueshme dhe është pjesë e rrugës së anëtarësimit të të dy vendeve në BE, tha Stano, duke shtuar se moszbatimi i marrëveshjes do të bllokonte progresin e të dy vendeve drejt integrimit evropian. Ai përsëriti qëndrimin e BE-së se zbatimi është hapi i vetëm që pritet tani nga Serbia dhe Kosova për të avancuar në dialog dhe në rrugën e tyre drejt BE-së.
