Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale u zhvillua debat i ashpër në lidhje me fazën e hetimeve të mbrojtjes së ish-krerëve të UÇK-së. Avokati, Prosper, i cili është në ekipin mbrojtës të Hashim Thaçit, ka thënë se mbrojtja s’ka qenë në gjendje të fillojë seriozisht hetimet. Më tutje, Prosper ka thënë se Prokuroria duhet ta përmbushë mandatin e vetë. Ai ka theksuar se është e çuditshme që Prokuroria gati një vit pas ngritjes së aktakuzës të merret sërish me hetime. Unë vërej se Prokuroria ka dorëzuar gati një vit më parë aktakuzën, dhe thonë se ende janë duke kryer hetime, dhe ky pohim më duket i çuditshëm. Ne si ekip i mbrojtjes nuk kemi qenë në gjendje të udhëtojmë dhe takohemi me njëri tjetrin shkaku i pandemisë. Departamenti Amerikan i Shtetit thotë se njerëzit nuk duhet të udhëtojnë në Kosovë. Nuk e di se çfarë thotë qeveria franceze apo ajo e Britanisë, mirëpo është shumë e rëndësishme që të takohemi dhe të diskutojmë. Klientin tim, zotin Thaçi nuk e kam takuar që nga momenti i ngritjes së aktakuzës”, është shprehur, avokati Prosper.
