Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Tiranë, është nënshkruar një aleancë ushtarake mes Kosovës, Shqipërisë dhe Kroacisë, një hap që është interpretuar në Serbi si një kërcënim. Por, ministri i Mbrojtjes i Shqipërisë, Pirro Vengu, e ka hedhur poshtë këtë interpretuese dhe ka theksuar se marrëveshja nuk ka lidhje me pretendimet e pabaza të Serbisë. Vengu ka shpjeguar se kjo marrëveshje ka tre komponentë të rëndësishëm. Komponenti i tretë, sipas tij, ka të bëjë me mbështetje të palëkundur të Shqipërisë dhe Kroacisë për anëtarësimin e Kosovës në Bashkimin Europian dhe NATO, një qëllim që është kërkuar me ngulm nga palët shqiptare dhe është përqafuar nga kolegët kroatë. Ai gjithashtu theksoi se një element thelbësor i marrëveshjes është përkushtimi i Shqipërisë dhe Kroacisë për sigurinë e Kosovës dhe të rajonit. Në lidhje me kërcënimet ushtarake nga Serbia, Vengu theksoi se KFOR-i është forca kryesore e sigurisë në Kosovë dhe Shqipëria e Kroacia kanë mbështetur rritjen e trupave të KFOR-it. Vengu e theksoi rëndësinë e bashkërendimit të forcave të Sigurisë së Kosovës me KFOR-in për të siguruar një veprimtari të koordinuar dhe për të legjitimuar më tej rolin e FSK-së në gjithë territorin e Kosovës.
