Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes i Shqipërisë, Pirro Vengu, ka zbardhur detaje nga marrëveshja trepalëshe për bashkëpunim në fushën e sigurisë dhe mbrojtjes, e firmosur mes Shqipërisë, Kosovës dhe Kroacisë në Tiranë. Vengu e ka cilësuar këtë nismë si një aleancë natyrale midis tre vendeve, të cilat përballen me kërcënime të ngjashme, siç janë ndërhyrjet e palëve të treta, kërcënimet hibride dhe ato kibernetike. Marrëveshja është ndjekur nga një mbështetje e qëndrueshme për Kosovën në rrugëtimin e saj drejt NATO-s dhe BE-së, duke theksuar se ky bashkëpunim i shkon për shtati politikës rajonale të sigurisë. Vengu theksoi se Shqipëria dhe Kroacia e mbështesin pa kushte Kosovën në këto nisma, siç është Karta e Adriatikut, që përbën një hap të rëndësishëm për anëtarësimin në NATO. Ministri shqiptar i Mbrojtjes siguroi se ky bashkëpunim nuk është kundër asnjë shteti tjetër, ndërsa sqaroi se aleatët dhe partnerët strategjikë janë informuar për hapat e ndërmarrë. Ai shtoi se kjo marrëveshje është e hapur për shtete të tjera, duke përfshirë anëtarë të BE-së dhe NATO-s, që ndajnë të njëjtin shqetësim për sigurinë në rajon.
