Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Akuzat e Prokurorisë Speciale ndaj Bedri Shabanit, i akuzuar për spiunazh, kanë sjellë në dritë detaje shqetësuese lidhur me pretendimet për trafikim të organeve njerëzore nga Ushtria Çlirimtare e Kosovës. Aktakuza përfshin informacionet që Shabani ka dorëzuar zyrtarëve të BIA-s, mbi emrat dhe identitetet e mjekëve dhe infermierëve që kishin shërbyer në spitalin ushtarak të UÇK-së, në Mollopolc të Shtimes. Këto akuzat janë të lidhura me një narrativë të fabrikuar për trafikim të organeve, që ka ngjallur reagime të forta nga ish-ushtarët dhe stafi shëndetësor i UÇK-së. Mjeku Nehat Baftiu, ka shpjeguar kushtet e vështira të punës në spitalin e terrenit dhe ka theksuar se asnjë transplantim organesh nuk ka ndodhur në kushte të tilla, duke mohuar kategorikisht pretendimet për trafikim të organeve. Ai kujton se, përveç mungesës së pajisjeve të nevojshme, mjekët e UÇK-së u detyruan të improvizonin për të ofruar ndihmë mjekësore në situata ekstreme.
