leoni

Po mbahet punëtoria për qeverisjen e përgjegjshme gjinore në nivel lokal, komuna e Vitisë merret si shembull nga OSBE-ja

14/11/2024 Institucionet

Organizata për Siguri dhe Bashkëpunim në Evropë (OSBE), ka nisur sot punimet e një punëtorie me temën “Qeverisja e Përgjegjshme Gjinore në Nivel Lokal – Praktikat e Mira dhe Sfidat”, e cila ka si qëllim promovimin e barazisë gjinore dhe përmirësimin e qeverisjes në nivelin lokal. Gjatë kësaj ngjarje pjesëmarrësit patën mundësinë të njihen me praktikat e mira të zbatuara nga komuna e Vitisë, të cilat u prezantuan nga zv.kryetari i kësaj komune, Hasan Aliu.

Ai tha se për këtë komunë, qeverisja e përgjegjshme gjinore është një temë shumë e rëndësishme.

“Sot po diskutojmë për një temë mjaft të rëndësishme, qeverisjen e përgjegjshme gjinore, e cila përbën një qeverisje të drejtë dhe të përgjegjshme në mënyrë që të gjithë qytetarët e komunës ta ndjejnë veten të barabartë dhe të ofrohen shërbime të barabarta komunale për të gjithë qytetarët. Sa i përket progresit të arritur në avancimin e barazisë gjinore në Komunën e Vitisë, është shënuar përmirësim i dukshëm i pozitës së grave, duke filluar nga pozitat vendimmarrëse, si në organet përfaqësuese ashtu edhe në ato ekzekutive”, u shpreh zv. kryetari Aliu .

Ai tha se kjo komunë gjithnjë ka qenë e përkushtuar për avancimin e barazisë gjinore, dhe për këtë hartojmë rregullisht politika të reja komunale. Përndryshe në këtë punëtori dy ditore po merre pjesë zyrtarja për barazi gjinore në Viti, Ibadete Hyseni.

Kontrolloni gjithashtu

Kryetari Kastrati priti komandantët e pikave kufitare të Kosovës dhe Shqipërisë në Morinë, Sinani dhe Krasniqi

Kryetari i Komunës së Malishevës, Ekrem Kastrati, ka pritur në një takim pune komandantët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara