Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës sot në mëngjes
ka arrestuar një person në Han të Elezit, nën dyshimin se ka marrë pjesë në
luftën civile në Siri. I arrestuari me inicialet S.I, është arrestuar si i dyshuar
për kryerjen e veprës penale të bashkimit në konflikte të armatosura jashtë
territorit të vendit. Në njoftimin e Policisë thuhet se deri te arrestimi i të
dyshuarit ka ardhur si rezultat i hetimeve disamujore të ndërmarra nga
Drejtoria Kundër Terrorizmit, në kuadër të Policisë së Kosovës, nën udhëheqjen
e Prokurorisë Speciale të Kosovës në bashkëpunim me autoritetet e qarkut të
Breshës në Itali. Gjatë zbatimit të urdhër kontrollit janë sekuestruar në
cilësinë e provave materiale dy armë zjarri, një revole dhe një pushkë e tipit
karabinë, si dhe disa pajisje elektronike dhe gjësende tjera, që mund të
ndërlidhen me rastin.
