Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësja e Policisë së Kosovës, Luljeta Mehmeti, ka konfirmuar arrestimin e një personi në Mitrovicën e Veriut. Ajo tha që një person është lënduar lehtë gjatë arrestimit të të dyshuarit, ndërsa dy policë të rendit janë lënduar pas operacionit. Mund të konfirmojmë se sot në komunën Mitrovicë e Veriut, Policia e Kosovës ka arrestuar një person të dyshuar për disa vepra penale. Pas operacionit njësitet policore kanë hasur në rezistencë dhe janë sulmuar me ç’ rast 2 zyrtarë policorë të rendit raportohet të jenë lënduar lehtë. Të gjitha njësitë relavante policore janë duke u marrë me rastin dhe ofrimin e sigurisë, tha Luljeta Mehmeti. Policia e Kosovës sot ka arrestuar Milun Milenkoviqin njërin nga udhëheqësit e formacionit “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, ka thënë me këtë rast ministri, Xhelal Sveçla.
