Policia e Shtetit njofton se ka proceduar penalisht Sekretarin PD-së, Flamur Noka, si dhe kreun e grupit parlamentar, Gazment Bardhi

Policia e Shtetit njofton se ka proceduar penalisht Sekretarin PD-së, Flamur Noka, si dhe kreun e grupit parlamentar, Gazment Bardhi

Policia e Shtetit njofton se ka proceduar penalisht Sekretarin e Përgjithshëm të Partisë Demokratike, Flamur Noka, si dhe kreun e grupit parlamentar të PD, Gazment Bardhi, në lidhje me protestën e zhvilluar më 7 tetor 2024. Në një komunikatë për mediat, policia ka njoftuar se është arrestuar një 57-vjeçar për veprat penale “Goditjet për shkak të detyrës” dhe “Shkatërrimi i pronës me zjarr”. Gjithashtu, janë shpallur në kërkim 9 protestues të tjerë, ndërkohë që dy të mitur dhe një 29-vjeçar janë proceduar në gjendje të lirë. Policia bën me dije se si pasojë e sulmeve me sende të forta, lëndë piroteknike dhe bomba molotov u dëmtuan 10 punonjës policie, nga të cilët 7 pas ndihmës mjekësore u larguan në banesë, ndërsa 3 të tjerët po trajtohen në spital dhe janë jashtë rrezikut për jetën. Gjithashtu, në spital kanë shkuar për ndihmë mjekësore dhe 2 shtetas babë e bijë, të cilët dyshohet se janë dëmtuar me lëndë plasëse dhe ndodhen jashtë rrezikut për jetën. Policia bën me dije gjithashtu se pranë bashkisë Tiranë policia janë gjetur dhe sekuestruar në cilësinë e provës materiale dhe dy çanta me 17 bomba molotovë.

Kontrolloni gjithashtu

Armë, fishekë dhe pajisje teknologjike, janë gjetur nga aksioni i policisë në ministrinë e Mjedisit e Planifikimit Hapësinor të Liburn Aliut

Me urdhër të Prokurorisë Speciale të Kosovës, është zhvilluar një aksion në Ministrinë e Mjedisit, …