Policia ka bastisur shtëpinë e personit të identifikuar si autor i vendosjes së eksplozivit në afërsi të Ujmanit. Bastisja është bërë në një shtëpi në zonën e Zubin Potokut në të cilën janë gjendur dhe sekuestruar tri radiolidhje dhe një veturë. Duke folur për këtë bastisje, zëdhënësi i Policisë së Kosovës për veriun, Veton Elshani ka theksuar se personi i identifikuar si autor i shpërthimin, nuk është gjendur në shtëpi. “Në vazhden e hetimeve në lidhje me rastin shpërthimit të sotëm në afërsi të Ujmanit, Policia rreth orës 21.00 ka bastisur një shtëpi në zonën e Zubin Potokut. Gjatë bastisjes policia ka has dhe ka sekuestruar në mes tjerash edhe 3 radiolidhje dhe një veturë. Nuk kemi persona të arrestuar, ndërsa policia ka identifiku një person i cili për neve është me interes për intervistim” ka theksuar, zëdhënësi i Policisë së Kosovës për veriun, Veton Elshani.
![Policisa](https://www.radiokosovaelire.com/wp-content/uploads/policia_kosoves_299031-527x330.jpg)