Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia Speciale (e Isa Mustafës, Shpend Maxhunit dhe Skënder Hysenit) deri tani ka arrestuar deputetët e opozitës:
Donikë Kadaj-Bujupi,
Albin Kurti,
Haxhi Shala,
Ismajl Kurteshi,
Fisnik Ismajli, ndërsa pritet të arrestojë edhe deputetët,
Albulenë Haxhiu,
Faton Topalli e disa të tjerë.
Me qëllim për diskredituar tërë opozitën, e cila është bërë pengesë për realizimin e qëllimeve antikombëtare të Qeverisë së Kosovës, policia Speciale e vendit, ( ku di edhe me çfarë policësh përbrenda!) me forcë virulente dhe sjellje tejet arrogante po vazhdon arrestimin e aktivistëve dhe deputetëve në radhët e opozitës. Duke qenë se kjo Qeveri e ka besimin e plotë të Brukselit zyrtar, të Beogradit, Kremlinit dhe ambasadorëve të vendeve të Quintit, ajo ka marrë përsipër ta instalojë në Kosovë shtetin policor, me qëllim për të realizuar të gjitha kërkesat regresive të një klani partiak qeveritar, i cili ka uzurpuar pushtetin dhe nuk është në gjendje të qeverisë me mjete e metoda demokratike. Instalimi i pushtetit policor në Kosovë po bëhet me përkrahjen pa rezervë të EULEX-it, UNMIK-ut dhe BE-së.
