Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Politikani ekstremist rus, Vladimir Zhirinovski, ka sugjeruar bombardimin ushtarak të Ukrainës në natën e Vitit të Ri, pasi sipas tij në atë kohë shumë ukrainas mund të jenë të dehur. Deputeti i Parlamentit rus dhe lideri i Partisë Demokratike Liberale të Rusisë, i ka bërë këto komente më 27 dhjetor gjatë një transmetimi televiziv, teksa Perëndimi i sheh me shqetësim trupat ruse afër Ukrainës, dhe si diçka që mund të rezultojë me pushtim të shtetit. Zhirinovski, i cili njihet për komentet e tij të ashpra, ka thënë se nëse ai do të ishte president, ai do ta bombardonte Ukrainën mes 31 dhjetorit dhe 1 janarit në orën 4 të mëngjesit kur “secili është i dehur”. “Dikush duhet t’i ndëshkojë ata, dikush duhet t’i frikësojë ata”, ka thënë ai një ditë pasi ka sugjeruar se Rusia duhet të aneksojë tërë Ukrainën, jo vetëm pjesën që e ka aneksuar disa vjet më parë.
