Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas disa raportimeve në media të caktuara rreth Marrëveshjes mes Postës dhe ATK-së, Posta e Kosovës ka dal me një komunikatë Zyrtare ku për të gjithë qytetarët sqaron procedurën e dorëzimit të kuponëve fiskalë.
Në njoftimin e Postës thuhet se nga sot (01.04.2016) të gjitha plikot/zarfet me kuponë fiskalë dorëzohen në një nga zyrat më të afërta postare të Ndërmarrjes Publike Posta e Kosovës Sh.A.
Deri më tani kuponët fiskalë kanë mundur të dorëzohen në vetëm 7 Regjione (Zyra) të ATK-së, në 7 qytetet më të mëdha të Kosovës. Qytetarëve nga Regjioni i Prishtinës (Podujeva, Drenasi, Lipjani, Fushë Kosova, Obiliqi, Graçanica, Artana) u është dashur të vijnë në Prishtinë dhe për të dorëzuar një kupon fiskal kanë pritur deri në 4-5 orë. Gjithashtu, u është dashur të shpenzojnë për udhëtim, ushqim, etj.
“Kjo marrëveshje eliminon këto vështirësi për qytetarët. Vetëm në Regjionin e Prishtinës, Posta i ka mbi 45 zyra postare. Në çdo komunë kemi zyra postare, përfshirë edhe në vendbanime rurale që shumica punojnë nga ora 08:00 -21:00, edhe gjatë vikendeve.
Për dorëzimin e plikos (zarfit) me kuponë fiskalë në Postë shërbimi kushton 50 centë. Këtu përfshihet verifikimi i numrit të plikos të cilin qytetari e merr nga ATK përmes aplikacionit në internet, grumbullimi dhe bartja e plikove me kuponë fiskalë nga të katër anët e Kosovës deri në zyrën e caktuar nga ATK. Ky shërbim kushton dhe këto janë tarifa të aprovuara nga ARKEP dhe Posta duhet t’i respektojë ato.
Kjo Marrëveshje kursen kohën dhe paratë e qytetarit.
Posta dhe ATK janë të kënaqura që kanë arritur të eliminojnë të gjitha këto vështirësi me të cilat janë ballafaquar qytetarët.
Prandaj, ju lutem të kihet parasysh interesi i të gjithë qytetarëve të Kosovës, i të gjitha komunave.
Posta e Kosovës mbetet e përkushtuar në ofrimin e shërbimeve sa më të shpejta, sa më afër vendbanimit të qytetarit dhe sa më të lira”, përfundon komunikata për medie e Postës së Kosovës.
