Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në oborrin e shkollës së mesme mikse “Kongresi i Manastrit” në Pozheran të komunës së Vitisë, është bërë inaugurimi i 12 dritave solare të financuar nga Fondacioni Kosovë-Luksemburg, në kuadër të një projektit për Energji Efiçente. Gjithashtu në kuadër të këtij projekti, ka përfituar edhe shkolla fillore e mesme e ulët “Kenan Halimi”- Skifteraj, ku janë vendosur panelet solare. Bëhet me dije se shkolla e Skifterajt përmes këtyre paneleve do të prodhoj energjinë e sajë elektrike për të furnizuar me energji klasat dhe kabinetet e saj. Projekti në Pozheran është financuar 100% nga Fondacioni Kosovë-Luksemburg kurse në Skifteraj është financuar 75% nga Fondacioni kurse pjesa tjetër nga vetë komuniteti. Me këtë rast i pranishëm në përurimin e këtyre projekteve ishte kryetari i komunës së Vitisë, Sokol Haliti me bashkëpunëtorë por edhe Sekretari Gjeneral i Fondacionit, Michael Fiet i shoqëruar nga Fisnik Beqiri nga FKL dhe të tjerë. Në këtë përurim ata dhanë edhe nga një fjalë rasti, dhe kryetari Haliti ndau një mirënjohje për përfaqësuesin e Fondacionit. Një mirënjohje pranoj edhe kryetari Haliti nga Këshilli fshatit.
