Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prej kohësh, kryeministri Albin Kurti i kishte ftuar liderët e tri partive opozitare – LDK, PDK, dhe AAK, për të diskutuar përmbushjen e agjendës legjislative. Vetëm kryetari i PDK-së, Memli Krasniqi, kishte pranuar ftesën, dhe ajo kishte sjellë ratifikimin e disa marrëveshjeve ndërkombëtare. Megjithatë, kjo periudhë pozitive ishte e shkurtër, pasi marrëveshjet ndërkombëtare u bllokuan përsëri për shkak të mungesës së shumicës të nevojshme prej 81 votave të deputetëve. Analistët konsiderojnë se është detyrë e partisë në pushtet që të sigurojë votat për të miratuar marrëveshjet, por gjuha e përdorur ndaj opozitës i largon ata nga bashkëpunimi. Përgjegjësia për këtë bllokim është veçanërisht e shumicës, e cila që nuk ka arritur të tregojë respekt ndaj opozitës në Kuvendin e Kosovës. Sekretaria e Kuvendit të Kosovës ka konfirmuar se nuk pritet të ketë seanca të rregullta gjatë vitit 2024.
