Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti palestinez, Mahmoud Abbas, sot do të udhëtojë për vizitë në Moskë, ku pritet të takohet me homologun e tij Vladimir Putin, transmeton Anadolu. Siç raporton agjencia e lajmeve ‘TASS’, ambasadori palestinez në Moskë, Abdel Hafiz Nofal, njoftoi se presidenti Abbas do të arrijë në Moskë në mbrëmjen e 12 gushtit. “Një takim me presidentin Putin pritet të martën dhe para kësaj, Abbas do të vendosë lule në varin e Ushtarit të Panjohur në Moskë”, njoftoi ai. Më tej, Nofal tha se vizita treditore e presidentit Abbas do të përfundojë me largimin e tij më 14 gusht, duke shtuar se presidenti palestinez gjatë qëndrimit të tij do të zhvillojë një takim edhe me ambasadorët arab në vend. Ai gjithashtu tha se tema kryesore e diskutimit Abbas-Putin do të jetë situata aktuale në Rripin e Gazës.
