Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Megjithë
përpjekjet e medieve për të mësuar versionin e institucioneve të Kosovës mbi
ngjarjet në Kumanovë, Prishtina zyrtare ende nuk ka kërkuar zyrtarisht sqarime
nga ana e autoriteteve të Maqedonisë. Kësisoj, luftimet e 9 dhe 10 majit në
Lagjen e Trimave në Kumanovë, vazhdojnë të jenë të mjegulluara nga paqartësitë.
Në këto përleshje mbetën të vrarë gjithsejt 18 veta, 10 nga grupi i luftëtarëve
të UÇK-së dhe 8 pjesëtarë të forcave policore maqedonase. Ndër paqartësitë
kryesore të luftimeve me 9 dhe 10 maj, është mënyra sesi u vranë Beg Rizaj dhe
Mirsad Ndrecaj. Dyshimi shtohet kur kihet parasysh një dokument i lëshuar nga
Ministria e Punëve të Jashtme të Maqedonisë, ku Rizaj dhe Ndrecaj figuronin në
mesin e të arrestuarve. Por një ditë më vonë, ata u raportuan në mesin e të
vrarëve. Krejt kjo shton dyshimet se Ndrecaj dhe Rizaj u ekzekutuan pasi ishin
kapur nga policia maqedonase. Autoritetet përgjegjëse si në Maqedoni ashtu edhe
në Kosovë vazhdojnë të heshtin në lidhje me rastin, duke mos sqaruar rrethanat
sesi u zhvilluan luftimet në Kumanovë.
