Prishtina do të nisë të frymoj më lirshëm nga komunikacioni

23/06/2016 Institucionet

Kompanitë e kontraktuara nga Ministria e Infrastrukturës kanë nisur punimet për rehabilitimit dhe rikonstruktimit të rrugës nacionale N9 – pjesa Rrethrrotullimi Prishtinë – Rrethrrotullimi Fushë-Kosovë dhe riorganizimit të rrugës nacionale N2 – segmenti Veternik.

Nga dy korsi që janë në shkuarje dhe ardhje, pas kryerjes së punimeve do të bëhen me nga tri korsi duke ndikuar në shkarkimin e komunikacionit që shpeshherë di të sjellë kolona të gjata dhe aksidente komunikacioni.

Ministri i Infrastrukturës, Lutfi Zharku ka deklaruar se me këto investime u është bërë zgjidhje edhe banorëve dhe biçiklistëve, të cilët nuk kanë pasur shteg të veçantë për ta.

“Shumica e kërkesave kanë të bëjnë me pengesat që janë shfaqur në komunikacion për shkak të shiritit shtesë. Kërkesat e banorëve kanë qenë që ne ta largojmë barrierat mes shiritit anësor dhe mes dy shiritave kryesor dhe të kemi natyrisht me kërkesë të banorëve edhe shtegun e kalimit për këmbësor dhe për biçiklistë. Investimi në dy projektet është afër 1.5 milionë euro. Ne besojmë që brenda 200 ditëve do të kryhen të gjitha riorganizimet. E para, qëllimi i kësaj është lehtësimi i komunikacionit, natyrisht plotësimi i kërkesave të banorëve për një qasje më të mirë në rrugë dhe zvogëlimi i aksidenteve në komunikacion”, ka deklaruar ministri Zharku.

Vlera e kontratës për projektin që lidh Prishtinën me Fushë Kosovën, kap shifrën e 633,761.67 € .

3 korsitë në ardhje dhe ne shkuarje do të jenë 3×3.5 metra gjerësi, shiriti i biçiklistëve do të jetë 2 metra i gjerë, shiriti i këmbësorëve do të jetë 2×1.5 metra, ndërsa shiriti ndarës i gjelbërimit në mes do të jetë 4.0m që në total profili karakteristik arrin gjerësinë prej 33.60 metra.

Kompania që ka fituar njërin lot të tenderit për rregullimin e kësaj rruge kanë premtuar se do të dinamizojnë punët për të kryer projektin para kohe.

Në rastin konkret që është, ne me strafin e kompanisë kemi vlerësuar dhe zotohemi edhe këtu përpara juve që do të punojmë edhe në ndërrimin e dytë, kështu që shpresojmë se do ta përfundojmë para afatit të caktuar, që të ecim më shpejtë dhe që komunikacionin ta menaxhojmë në mënyrën më të mirë që të mos mbetet i bllokuar”, ka deklaruar Bajram Gashani, përfaqësues i kompanisë kontraktuese.

Po ashtu në kuadër të kësaj kontrate parashihen të ndërtohen dy Rrethrrotullime:

Në hyrje të objektit të FSK-së, në stacionazhën 0+500m nga rrethrrotullimi në dy nivele në Prishtinë dhe në udhëkryqin afër mbikalimit të Autostradës, në stacionazhën 1+850m nga rrethrrotullimi në dy nivele në Prishtinë.

Ndërkaq, vlera e riorganizimit të rrugës nacionale N2 – segmenti Veternik arrin në 698,523.94 € për njësi.

Kompanitë kontraktuese kanë afat prej 180 ditë punë që të finalizojnë punimet.

Kjo rrugë do të ketë tre shirita qarkullues 3×3.75 metra dhe një shirit për biçiklist me gjerësi 2.25m, kurse në mes të këtyre shiritave nuk do të ketë ndarje fizike.

Po ashtu në kryqëzimin e rrugës me hekurudhën do të ndërtohet një rrethrrotullim përmes të cilit do t\’u lehtësohet qarkullimi dhe kyqja e pjesëmarrësve të komunikacionit, si atyre që janë në qarkullim në rrugën N2 po ashtu edhe lagjeve dhe bizneseve që janë afër kësaj rruge.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara