Prishtina pritet të pozicionohet si një qendër inovacioni teknologjik global

08/01/2025 Institucionet

Kryetari i komunës së Prishtinës, z. Përparim Rama është shprehur i lumtur që rinia jonë e suksesshme po sjellë inovacione dhe mundësi të reja edhe në Prishtinë

Ai ka përgëzuar platformën “Fresha” një ndër platformat më të popullarizuara globale për rezervime shërbimesh në industrinë e mirëqenies, duke ndihmuar mbi 120,000 biznese të menaxhojnë dhe të rrisin suksesin e tyre.

Me selinë në Londër dhe zyra në 14 vende të ndryshme, Fresha ka ndërtuar një prani të fortë edhe në Prishtinë, ku tashmë operon me një ekip prej 100 profesionistësh në fusha si inxhinieria e softuerit, përvoja e klientit dhe operacionet.

Në pesë vitet e ardhshme, kompania planifikon të investojë mbi 50 milionë dollarë në Kosovë, duke krijuar më shumë mundësi për talentet lokale dhe duke e pozicionuar Prishtinën si një qendër inovacioni teknologjik global, ka shkruar në rrjetin e tij social, facebook, kryetari i Prishtinës, z. Përparim Rama.

Kontrolloni gjithashtu

Kryetari Haliti ka pritur në takim doktoreshën e shkencave në fushën e informatikës kuantike dhe të mësimit makinerik Lirandë Pira

Kryetari i komunës së Vitisë Sokol Haliti ka pritur të martën në takim doktoreshën e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara