leoni

Pritje zyrtare iu është organizuar studentëve përfitues të bursave të cilat ndahen nga buxheti i Komunës së Skenderajt

25/03/2022 Institucionet

Pritje zyrtare iu është organizuar studentëve përfitues të bursave të cilat ndahen nga buxheti i Komunës së Skenderajt, në një ceremoni ku ka marrë pjesë kryetari i Komunës, Fadil Nura, drejtori për Arsim, Kastriot Duraku dhe zyrtarë të drejtorisë në fjalë.

Në sallën e Kuvendit Komunal, ku po mbahej ceremonia, kryetari Nura, duke i uruar studentët, ka thënë se bursa në vlerë prej 500 eurove, është shenjë e përkushtimit dhe vullnetit të qeverisjes për t’i ndihmuar sadopak studentët gjatë studimeve.

“Ajo që ne dëshirojmë dhe presim nga ju, është që ky rrugëtim i juaji të ketë përfundim të suksesit të lartë në studime, kurse dijen e fituar, ta vëni në shërbim të zhvillimit të komunës, shoqërisë dhe shtetit tonë”, është shprehur Nura.

Kryetari u ka uruar suksese duke u premtuar përkrahje të vazhdueshme gjeneratave të reja të studentëve, për të cilët tha se pas përfundimit të studimeve, do të jenë liderë të së ardhmes.

Me këtë rast janë ndarë 111 bursa, në vlerë prej 500 eurove për secilin, që shënon rritje për 200 euro nga konkurset e mëhershme apo 6,300 euro më shumë se buxheti total i një viti më parë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara