Mijëra qytetarë në sheshin kryesor në Prizren morën
pjesë në manifestimin e thirrur nga opozita. Me parullat “Poshtë Zajednica’, “Nuk
i falim tokat tona”, “Jo ndarja të Kosovës”, qytetaret prizrenas shprehën hapur
kundërshtimin ndaj Marrëveshjes për Asociacionin e Komunave Serbe dhe asaj për
Demarkacionin e kufirit me Malin e Zi. Kryetari i Nismës, Fatmir Limaj në fjalën
e tij drejtuar prizrenasve, u bëri thirrje që të jenë aktiv në proceset nëpër të
cilat po kalon vendi. Ai, me këtë rast, u bëri thirrje qytetarëve të Prizrenit që
të marrin pjesë në protestën e 9 janarit në Prishtinë. Ndërsa, kreu i Vetëvendosjes,
Visar Ymeri tha se “regjimi policor i treshes famëkeqe Isa Mustafa, Hashim Thaçi e Kadri Veseli
është ngritur kundër popullit”. Sekretari i AAK-së, Blerim Kuçi, vuri
në dukje se Marrëveshjet e arritura nga Isa Mustafa dhe Hashim Thaçi, përbëjnë
shkelje të Kushtetutës së Kosovës. Në fund të fjalës së tij, ai i ftoi qytetarët
nga Prizreni, Theranda, Rahoveci e Sharri që të marrin pjesë në protestën e 9
janarit, që do të mbahet në Prishtinë. Të pranishmëve iu drejtua edhe deputeti
i Nismës që vjen nga Prizreni, Zafir Berisha. Ai e quajti kryeministrin, Isa
Mustafa, mbeturinë të Rrahman Morinës, kurse Hashim Thaçin pakurrizor.
Kontrolloni gjithashtu
Hykmete Bajrami kërkon reagim të drejtësisë ndaj bllokimit të punimeve publike në sheshin “Xhorxh Bush”
Deputetja e LDK, Hykmete Bajrami, ka kërkuar ndërhyrjen e menjëhershme të institucioneve të drejtësisë ndaj, …