Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykimin kundër krerëve të UÇK-së, në Hagë, kanë mbetur vetëm 43 dëshmitarë nga lista e Prokurorisë, pas largimit të 12 dëshmitarëve të tjerë. Këtë e konfirmoi zëdhënësi i Gjykatës Speciale, Mihael Doyle, duke theksuar se tetë dëshmitarë do të japin deklaratat e tyre me shkrim dhe jo në sallë të gjyqit. Procesi gjyqësor po përshpejtohet me qëllim për të përmbyllur çështjen në kohë, ndërsa Trupi Gjykues pritet të marrë vendim në shkallën e parë deri në fund të vitit 2025 ose në fillim të vitit 2026. Ndërkohë, mbrojtja e Hashim Thaçit dhe krerëve të tjerë të UÇK-së planifikon të kërkojë kohë për përgatitjen e provave dhe mundësinë për hudhjen e aktakuzës pas mbylljes së rastit të Prokurorisë. Avokatët e mbrojtjes kanë kërkuar të paktën gjashtë javë për përgatitje, dhe avokati i Thaçit, Luka Misetiq, ka njoftuar se mbrojtja nuk planifikon të thërrasë më shumë se dhjetë dëshmitarë.
