Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka kërkuar që të hënën në Kuvend të votohen ndryshimet ligjore në Ligjin për Automjete, për të mundësuar heqjen e homologimit për veturat që vijnë nga Bashkimi Evropian, Zvicra dhe Norvegjia. Megjithatë, kërkesa që ka marrë propozimin nga komisioni parlamentar, nuk po përkrahet nga Qeveria. Ministri i Infrastrukturës, Arban Abrashi ka kërkuar që të pritet propozimi i Qeverisë për ndryshimet në këtë ligj. Por ky ligj nuk po mbështet nga LDK-ja. Shefi i grupit parlamentar të LDK-së, Arben Gashi, tha se projektligji është shumë i thjeshtë, por shumë keq i arsyetuar. Sipas tij, projektligji nuk zgjidh asgjë dhe lë hapësirë për interpretime të ndryshme. Edhe PDK-ja ka vlerësuar se projektligji është i mangët. Deputeti Bajrush Xhemaili, tha se draftligji është i varfër dhe si i tillë nuk ua merr as homologimin atyre që e kanë por as monopolin. Kurse AAK-ja ka thënë se projektligji nuk është i trajtuar në detaje.
