leoni

Prodhimet nga Kosova ekspozohen në panairin “Green Week” në Gjermani

18/01/2019 Institucionet

Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA), ka organizuar pjesëmarrjen e gjashtë kompanive kosovare në panairin ndërkombëtar “Green Week”, që po mbahet në Berlin të Gjermanisë. Kompanitë nga Kosova “AMO”, “ESSI”, “FRUTEX”, “ELKOS”, “Hit-Flores”, “Stonecastle Vineyards&Winery L.L.C”, po promovojnë produktet e tyre si: prodhime konditorike, fruta mali, bimë mjekuese dhe aromatike, lëngje frutash, pije alkoolike, energjike, fara të pjekura, etj. Vizitorë të shumtë në këtë panair po shprehin interesim për produktet kosovare duke i degustuar dhe blerë ato. Ky panair është mundësi e mirë që kompanitë kosovare të promovojnë produktet e tyre si dhe të krijojnë bashkëpunim me kompanitë pjesëmarrëse. Panairi ndërkombëtar “Green Week” njihet si një ndër panairet më të rëndësishme të industrisë ushqimore, bujqësisë  në të cilit po marrin pjesë mbi 1700 ekspozues me mbi 100 mijë produkte nga mbarë bota. MTI/KIESA për kompanitë vendëse ka siguruar hapësirë ekspozuese prej 112 m2, që gjendet në: hall 6.2 v4. Panair do të jetë i hapur nga data 18 deri 27 janar 2019.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara