leoni

Profesor Hysni Gashi, ka ndarë 700 euro për familjet malishevase në nevojë

13/09/2019 Institucionet

Takimi i Kryetarit të Komunës së Malishevës, Ragip Begaj dhe profesorit, Hysni Gashit, ishte i veçantë sepse ishte takim mes profesorit dhe nxënësit, por tash profesori takoi, Begajn, aktualisht në pozitën e kryetarit. Fillimisht, Begaj i dëshiroi mirëseardhje profesor Hysniut dhe i shprehi mirënjohje për kontributin e dhënë ndër vite në edukimin dhe arsimimin e nxënësve malishevas, e njëri prej shumë nxënësve isha edhe unë, thotë Begaj, duke vazhduar se “ Ishin kohë të vështira në arsimin e atyre viteve, por ju na motivuat, që të lexojmë, ta duam shkollën shqipe dhe vetëm kështu mund t’ia sjellin lirinë atdheut”, kujton, Begaj fjalët e profesorit Hysni Gashi. Kurse, profesor, Gashi thotë: “Sot ndjehem i nderuam dhe i vlerësuar, para jush, Kryetar i Komunës së Malishevës, Ragip Begaj, me arsyen se dje Malisheva m’i hapi dyert mua dhe unë sot, dua që qytetarëve malishevas t’u jam mirënjohës deri në fund për mikpritjen, solidaritetin dhe fisnikërinë që treguat ndaj meje dhe kam vendosur, që pensionin tim të ndaj me ata qytetarë që kanë nevojë dhe ndihma do të jetë kohë pas kohe”. Kryetari, Ragip Begaj, falënderoi përzemërsisht, profesor Hysni Gashin, për këtë veprim human dhe njerëzorë të tij, që për familjet e nevojshme malishevase, ka ndarë 700 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara