Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokurori i Posaçëm, Jack Smith, dhe anëtarët e ekipit të tij kanë në plan të japin dorëheqjen para fillimit të mandatit të presidentit të zgjedhur, Donald Trump, njoftoi gazeta amerikane The New York Times. Smith ka hetuar dy çështje kryesore kundër Trump: njërën që lidhet me dokumentet sekrete që Trump mori në Mar-a-Lago pas përfundimit të mandatit të tij presidencial dhe një tjetër që ka të bëjë me përpjekjet e Trump për të përmbysur rezultatet e zgjedhjeve të vitit 2020. Një gjykatës federal në Florida hodhi poshtë rastin për dokumentet në muajin korrik, ndërkohë që Departamenti i Drejtësisë po shqyrton mënyrën se si të mbyllë hetimin lidhur me përpjekjet për të anuluar zgjedhjet. Trump ka mohuar akuzat për të dyja çështjet dhe ka deklaruar muajin e kaluar se, sapo të marrë detyrën e presidentit, ai do ta shkarkonte Smith-in “brenda dy sekondash”.
